وزیر اعلیٰ پنجاب سردار عثمان بزدار نے کہا ہے کہ صوبہ بھر میں امن وامان کی صورتحال اس وقت تسلی بخش ہے۔

تفصیلات کے مطابق وزیراعلیٰ پنجاب سردارعثمان بزدار نے اپنے ایک بیان میں کہا کہ پولیس ، رینجرز اور دیگر تمام ادارے اپنے فرائض بخوبی سر انجام دے رہے ہیں۔

وزیر اعلیٰ پنجاب نے یہ بھی کہا کہ پنجاب بھر میں امن وامان کی صورتحال تسلی بخش ہے، ذمہ دار حکومتی ذرائع صوبے بھر میں امن وامان کی مجموعی صورتحال سے عوام کو آگاہ رکھے ہوئے ہیں۔

عثمان بزدار کا کہنا تھا کہ میں پنجاب کے عوام کو یقین دلاتا ہوں کہ عوام کے جان و مال کا تحفظ اور قانون کی عملداری حکومت کے فرائض میں شامل ہیں اور اسے بخوبی سر انجام دیا جارہا ہے۔

وزیر اعلیٰ پنجاب سردار عثمان بزدار کا مزید کہنا تھا کہ میری عوام سے اپیل ہےکہ سوشل میڈیا اور دیگر غیر تصدیق شدہ  ذرائع ابلاغ سے ملنے والی اطلاعات پر کان نہ دھریں۔

LEAVE A REPLY

Please enter your comment!
Please enter your name here