مسلم لیگ ن کی رہنما مریم اورنگزیب کا کہنا ہےکہ ہمارا ایمان ہے کہ عوام کی خدمت کرنے والے کو انصاف ملے گا اورشہباز شریف صاحب ہمیشہ کی طرح سُرخرو ہونگے۔

تفصیلات کے مطابق مسلم لیگ ن کی ترجمان مریم اورنگزیب نے سماجی رابطے کی ویب سائٹ ٹوئٹر پر جاری اپنی ٹوئٹ میں لکھا کہ یہ بات ذہن قبول نہیں کر رہا کہ پوری قوم ٹی وی پر ضمانت کا اعلان سنے لیکن تحریری حکم تین دن گزرنے کے باوجود سامنے نہ آئے۔

مسلم لیگ ن کی رہنما نے کہاکہ چیف جسٹس کو فیصلے سے فوری آگاہ کرنے کے باوجود ہائی کورٹ کی جانب سے چار دن کوئی اعلامیہ جاری نہیں کیا گیا،عدالت کی عزت کرتے ہیں اور کرتے رہیں گے، یہ ہر شہری کا فرض ہے۔

مریم اورنگزیب نے مزید کہاکہ اس طرح کی صورتحال سے دوچار ہونے کا دکھ ضرور ہے لیکن
امید کرتے ہیں کہ ہمیں مکمل انصاف ملے گا۔

LEAVE A REPLY

Please enter your comment!
Please enter your name here