افغانستان کے وزیر خارجہ محمد حنیف آتمر نے دبئی میں اپنے پاکستانی ہم منصب شاہ محمود قریشی سے ٹیلی فونک رابطہ کیا ہے۔

تفصیلات کے مطابق دونوں وزرائے خارجہ نے افغان امن عمل پر اب تک سامنے آنے والی پیش رفت پر تبادلہ خیال کیا۔

وزیر خارجہ شاہ محمود نے کہا کہ پاکستان، افغانستان کو پر امن اور مستحکم بنانے کے لیے اپنی مصالحانہ معاونت جاری رکھے گا۔

وزیرخارجہ شاہ محمود قریشی نے کہا کہ ایک پر امن اور مستحکم افغانستان، پاکستان کے مفاد میں ہے،  ہم افغانستان میں پر تشدد واقعات میں کمی کے خواہش مند ہیں۔

انہوں نے کہاکہ پاکستان، افغانستان سمیت خطے میں قیام امن کے لیے کی جانے والی کاوشوں میں شراکت دار ہے۔

وزیر خارجہ شاہ محمود قریشی نے توقع ظاہر کی کہ افغانستان میں دیر پا قیام امن کی کوششوں میں ’استنبول پراسس‘ دوحہ ایگریمنٹ کو نتیجہ خیز بنانے کے لیے معاون ثابت ہوگا۔

شاہ محمود قریشی نے ٹیلی فونک رابطے پر اپنے افغان ہم منصب محمد حنیف آتمر کا شکریہ ادا کیا۔

دوسری جانب افغان وزیر خارجہ نے افغان امن عمل کو نتیجہ خیز بنانے کے لیے پاکستان کی مسلسل سفارتی، سیاسی اور اخلاقی معاونت کو سراہتے ہوئے پاکستانی قیادت کا شکریہ ادا کیا۔

دونوں وزرائے خارجہ نے استنبول میں ملاقات پر اتفاق کیا، وزیر خارجہ شاہ محمو دقریشی نے افغان وزیر خارجہ محمد حنیف آتمر کو استنبول پراسس اجلاس کے بعد اسلام آباد بھی مدعو کیا ۔

LEAVE A REPLY

Please enter your comment!
Please enter your name here